Selamat Taun Baru 2011

Selamat Taun Baru 2011 ngagai semua pemacha blog aku.  Jangka aku enda laun nya aku meri Selamat Taun Baru ngagai kita, tu meh keterubah aku nulis ba blog tu saritu 18.01.2011.  Lama ga udah aku enda berandau meri berita tentang pejalai pengidup aku ti penuh enggau penguji.  Pejalai pengidup aku ba taun 2010 chukup chura, (full of colors). 

Ba pun taun 2010, pengidup pendiau aku chukup manah chukup gaga bulih berkat ari Tuhan, ba pendiau, pengerai & pengidup kami sebilik enggau mega bala anak aku mujur amat ba skula nitih ke tahap siku-siku. Tang enda mukai-mukai ba tengan taun 2010 nya bulan 6, pendiau kami sebilik di tuntung penusah ti besai lalu enda di sadang, aku lenyau orang ti di kesayau ka ianya menyadi TUAI.  Chukup tusah ati enda ulih di rintai ke aku ditu............... Sepengudah ia ti nadai, pendiau kami sebilik bakanya meh......semina ngarapTuhan ngemata, ngiching, ngiring, ngembing ngering ke kami meri pengelantang dalam ati enggau pengerai tubuh enggau semangat. 

Ba pengujung taun 2010 laban ti balat tusah, dia indai aku enda mukai-mukai kena sakit baru 18/10/2011.  Pendiau aku maia ke tu baka SAR ke di tuju ai baka apong balu ti rarat kulu rarat kili nadai sangkai.  Ari ia ti kena sakit lalu ngujung ke ia di ambi Tuhan ti pemadu bekuasa ngelepas ka ia ari penusah dunya lalu ngemai ia pulai ngagai menua asal begulai enggau ia. Pendiau kami sebilik maia ke tu chukup tusah enda ulih di rintai ke aku ditu. Within a short period of time, one and half year, kami di tinggal ke tiga iko orang ti pemadu tuai ba kami sebilik enggau ti kesayau ke kami...Papa...Mom...and eldest brother. Pemulai sida tiga tu ari dunya tu nadai di anti datai.  Pengerindu, penyayau kami ka kita 3 sigi enda luya.  Eternal rest, Grant unto them O Lord, and let perpetual light shine upon them.  May their soul departed through the mercy of God rest in peace.  They will lives with us in memory and will for evermore. Amen.

Taun 2011, aku baka orang bukai mega, besembiang minta pengampun, minta berkat ari Allah Taala, minta iching minta perening ia, minta ia selalu ngelindung mendung aku ari semua penusah, anang agi magi kami ke tinggal di dunya tu, beri kami peluang begulai enggau diri sebilik lebih ari ti udah, beri kami pengerai, lantang ke ati kami ba tubuh enggau semangat kami, semina kuasa Tuhan aja ti ulih nyerara kami.  Chukup penusah udah di asai kami menyadi, anang nyagi kami kena penguji ke bakatu agi.  Bala kami ti kerja, tulong sukong kami awaka kami ulih begulai ngerja pengawa enggau orang bukai kena ngemesai ke nama nuan, lalu ba bala anak kami ti sekula, peda, ibun sida ia, beri pemerti ati ngagai sida, anang ngasoh sida limpang ari jalai ti terang, rari ke sida ari pemetang, bai sida nengah jalai ti lurus ti patut di tengah sida nitih ke peneka nuan Tuhan.

Aku endang arap ke Taun 2011 tu mai pengelantang ngagai semua kami sebilik enggau bala pangan ti besemak enggau aku, bala kaban, suku-juru aku ti bukai.  Minta Tuhan selalu ngering ke semangat kitai. 

Pengasih Jesus Kristus, Pengerindu Allah Taala, Pengasih Roh Kudus, meruan enggau kitai belama. Amen

mom's legacy - tikai bemban

Posted by KumangSedinang@2010