KUMANG Sedinang: MWF monthly meeting

Gerempung Indu Gerijia St.Columba bisi baum ninting bulan kenaka 28/1/2011 ti apin lama ti udah. Ba aum tu ketuai Indu Gerija bisi mantai ke langgur pengawa ti ka di kerja ba taun tu. Maioh activity deka di atur ba taun tu. Siti ari pengawa ti bisi di sebut maioh aum tu kami indu gerija St.Columbus bisi ngatur nemuai ngagai menua Limbang,Brunei, Kuching enggau ngagai gerija kawasan Miri mega. Pejalai tu ukai semina rindu raun ngelantang ke ati tangg ngenyemak ke kaul enggau bala indu gerija bukai awaka belajar ari pangan diri kena ngerembai ke eklisia, ngemesai ka nama Tuhan ti pemadu bekuasa. Ba bulan lapan 2011, bisi aum besai BGM of Diocesan Women Fellowship ka di atur ba Kuching.

Pesan aku ngagai bala kaban indu di Miri ditu, enti kita bisi tebacha ka blog aku tu, aku minta kita indai-indai anang malu mansang enggau kami masuk gerempung indu gerija. (Sigh!!!!....ah....aku enda nemu macha, aku enda alim, aku ukai orang pandai....nadai guna masuk gerempung indu)...Menyadi...masuk gerempung tu nadai tusah, nadai utai di kemalu ka, enti enda nemu macha enda nemu nulis enda ngawa, masuk gerempung tu nadai nguna setipikit, semina nguna tuboh mantu enggau tulang kita enti leboh bisi pengawa ba gerija. Tang enti kita ti besekula tinggi bisi setipikit nya lebih manah awaka ngiring bala kami bukai ti enda besekula tinggi tu ngerja pengawa ka gerija kena ngemesai ke nama Tuhan. Diatu gerija St.Columbus nguna tulong sukong kita, ukai semina enggau mata duit tang nguna sembiang ari kita, kitai bisi vision ti ka peda nyadi nyata, kitai ka meda gerija kitai bediri temegah tinggi ukai keh aku, ukai keh nuan aja tang keh seluruh anak-anak Anglican di menua Miri tu. So, friends..please do come forward to give your supports.