Demalam sepemulai KS ngambi suluati pulai mindah, KS nengah jalai lama. Sebedau mansa Army Camp, dia panjai amat tripik, kereta nyau betusun-tusun, ari ga beberis, nama kabuah kereta tu lubah amat pia ko aku bejako, dah nya nyau ka datai ba Merdeka Mall - depan nya maioh amat orang both side of the road, sekali peda aku bisi polis, nah nemu kita, sinu amat aku meda orang tak garing-garing ba jalai pala ia bedarah. Pelaba aku iatu ngena motosikal tau ka pedestrian, enda nemu nama kabuah ti bendar tang pelaba aku ia tentu di lantak kereta.
Baru kemari aku betemu enggau pangan aku siko, ia ka pulai ke menua laban bisi penusah, tanya aku nama kabuah, dia ia madah anak menyadi ia ti nyadi polis beumur 22 tahun baru udah ngintu ari pengada kena ka 23/1/2011, sepemulai ari ngintu ari pengada ba kawasan opis olis di KL, ia agi nganti ba simpang jalai enda mukai-mukai lori ngelantak kereta ti depan ia lalu kereta ti di lantak lori nya pelanting ngagai motosikal nembiak tu, lalu died on the spot. Pangan ia ti duduk di belakang ia patah jari enggau kaki.
Nya-alai bala menyadi kaban belayan, bejimat meh kitai leboh ti mai kereta lalu anang enda merati ke orang sebelah kitai, belakang enggau di mua kitai, bejimat-jimat ba jalai raya laban orang ti di kerindu kesayau ke kitai nganti penatai kitai.
Posted by KumangSedinang@2010
uuuhhh!! what a sight.
ReplyDelete