1/9/2010-genap setaun Kumang Sedinang blog

Nadai berasai tak nyau setaun nampun di langit sebulan nandan di bukit, Kumang Sedinang ti udah ada mai sebarang berita ti di temu sebelah dunya lalu di kunsi ke aku enggau kita kelebih agi ba senentang pengawa bala anak-anak kitai ti besekula enggau pemansang kitai ti indai. Rindu amat asai macha peransang bala pangan bala kaban ti bisi mansa nemuai nengah ruai KS ditu, aku meri besai terima kasih lalu anang puas nemuai ngagai aku. Enti utai bisi enda di kerindu ka kita leboh ti macha berita ti di engkah KS ditu, kita tau komen lalu madah ngagai aku awaka ila aku bejimat agi enggau berita ti ka di keluar ke aku. Anang irau aku enda ringat tang nya meransang aku nulis manah ka agi. Ari peransang bala kita nya ngasoh aku nerus ke pengawa blogging tu ari diatu sampai ke ila-ila. Saritu tu aku semadi nadai utai di kunsi enggau kita kelimpah ari berita Merdeka kemari, aku bekunsi ukai ka ngeso keh kita madah ke pemisi diri tang meh awaka kita ti nyimpan pengerindu baka aku meda collections/koleksi ti di udah di gumpul aku selama tu. Tu meh pengerindu ti kembuan KS ari menya sampai ke diatu. Agi rindu meh ati tu ngumpul barang ka bakatu enti pala Agung ngemendar ka aku. sekeda ari perfume-minyak wangi ti di gumpul aku

KumangSedinang@2010

Hari Malaysia 31/8/2010-53rd birthday

Tu bala anembiak skula-enda nemu ari ni, sida tu bisi enggau persembahan

Persembahan ari bala National Service PLKN

Bala VVIP enggau bala menteri duduk atas panggau ti atas nya

Bala SIDS ti bisi enggau, bisi ga sekeda nadai ba gambar tu laban laun datai

Bala SIDS-depan nya BOSS kami Chairlady Mdm JJ, sepiak ia nya sapit ia.

Kemari 31/8/2010, KS bisi enggau bala indu SIDS - Serakup Indu Dayak Sarawak nyambut Hari Merdeka ke 53 taun betempat ba Stadium Betutup di Miri. Taun tu pengawa nyambut Merdeka tu di intu di Miri. Maioh macham pengawa main bisi di atur. Siti ari main ti ngerindu ke ati nya meda bala Regimen Tentera bebaris lalu TYT Sallehuddin bisi meresa baris nya. Nyau tuai ga umur aku tang tu meh ke terubah ia meda semak mata di baroh idung kenu orang meda TYT meresa baris sida tu. Ngelamatu meda ba TV enggau ba padang ari jaoh. Bala kita jangka aku bisi baka aku enda kala meda utai tu semak bakatu. Maioh bala VVIP datai, bala sida menteri keno orang ti tuai bela bisi datai enda ulih di rintai ke ditu nama sidanya.

KumangSedinang@2010

Cherita sengapa

Enda nemu nama band tu aku, tang keh di peda bala menyadi kitai bansa China magang

Leboh aku ti bisi ke pasar, tak tekenyit aku ninga utai udu penginggar ba open air ba pasar lama. Aku pun lalu enggau orang meda dia, rindu endar ati meda utai baka tu, tu tau ngerindu ke ati bala kitai ti diau di Miri ditu lalu mega ka bala ke bisi nemuai ke Bandaraya Miri. Sida tu pun ukai orang nembiak tang beumur magang. This reminds me alot of nengeri di menua tasik ke bisi udah di peda aku ngerja pengawa bakatu ba tisi jalai enggau ba depan kedai kopi. Di menua orang di Merika din endang endor orang enjoy tempat ke bakatu. Peda kita ba sekeda gambar ti sempat di ambi aku. Arap ke sida tu agi bisi bemain ba tempat tu ba minggu ke bukai.

KumangSedinang@2010

MWF monthly meeting

Demalam, gerempung indu gerija Anglika St.Columba's bisi baum. Utai ti di pejurai-di kerandau ke kami nya pasal activity bala MWF ti bedau di kerja ngagai ujong taun tu. Kami mega berandau ke pasal Carnival Sales- Jom Heboh Gerija St.Co kena ka 4/9/2010. Maioh macham utai di pakai ka di jual maia tu. Siti ari program maia tu ila ke bala anak-anak kitai ti bisi enggau datai nya pekit ngechat-colouring contest lalu mega bisi tempat sida bemain ti di kumbau FUNNY BOOGIE. Sekali masuk RM3/- pengelama bemain nya 10min ke siko-siko anembiak. Kupon rega RM10/- kena bebeli ke utai ti di jual maianya ila bisi di jual bala kami. Maia hari bejual nya ila mega bisi mija siti ti endor nyual kupon tu. Sekeda ari pemakai ti bisi di jual maia tu nya, lulun manok, bubur pajak, babi pandok enggau tebu, kari manok, kacang-ma, sayur-sayur ari rumah panjai baka daun ubi, upa, tubu-paku enggau maioh ti bukai. KS nyual kari manok, datai meh mantu kami. Duit ti ulih ari bejual sekali tu kena kitai nyeruri (renovate) gerija-rumah Tuhan ti udah tuai enda-nyau ka runtuh baka ke di peda kita ari luar.
Aram datai sama-sama mantu gerija, sama betemu fellowship, begulai betundi betemu berandau enggau bala pangan, kaban ti lama enda enggau kita begulai. Bai bala kita sebilik - kaban pangan enggau kaban anak awaka sama-sama berami maia tu, anang enda ingat mai $$$. KumangSedinang@2010

Penganan Irik

Last Sunday pulai ari gerija, chelap serta enda nyamai endor bejalai ba kedai laban hari ti balat amat ujan, so pulai ke rumah kami menyanak. Semadi ti enggai ngerja pengawa bukai, tindok enggai ga mata dia aku begiga ke tepung ba cupboard dapur, nah, bisi tepung, apa di tunggu.... lalu tunyau aku laban ti lama endar udah ka belajar, umur nyau udah tuai tang lalu bedau kala nguji. Kebuah ti enda nguji nya laban indai aku landik amat ngaga penganan endang di pelandik ke orang, penganan di gaga indai aku manah gamal serta nyamai. Tisi ia pun manah, thats why my children called it KUEH TOPI. Taja penganan irik tu mudah gaya ngaga tang enda nitih ke gamal ia, maioh udah kueh udah di gaga aku tang bedau ngenusah ngaga penganan iri'k laban kabuah aku madah bakanya, nadai tentu resipi laban pemanah enggau penyadi penganan tu di peda maia ngaga lebuh kitai nanak ia ba kali. Kali aja tau madah ke kitai whether its enough sugar or need more water. Tang penganan ti di gaga aku ...hem..kita meda gamal ia ditu, enda manah gamal tang nyamai di empa...KENO! aku muji diri lah. Nadai maioh utai di guna, perengka ia bakatu:

2 changkir tepung gandum

1/2 changkir tepung beras amat

1 changkir gula pasir

1/2 changkir gula apong

Ai sechukup gaya, enti kelalu pekat beri maioh agi ai.

Champur semua lalu gaul sampai nyau pekat. Udahnya angat ke minyak ba kali, enti udah angat lalu kauk ngena tilok ti numbas ia pemesai lalu iri ngagai kali.

Nya aja resipi ari aku, selamat nguji. Enti kita udah ngaga tau ngangau ka aku ngirup kopi.

KumangSedinang@2010

VIN beauty care centre-Indonesia body massage

Facial treatment with herbal-cool maskInjin kena ngesoh mua sebedau muai black-heads

Sepengudah aku ti betemu enggau pangan aku siko 2 minggu ke lalu, ia baru pulai ngurut belakang keno ia, slalu pedis isi, tubuh penuh angin. Ia bekunsi becherita enggau aku. Laban ti kelalu lelak for the past few weeks, kemari aku nguji ngaga appointment, kia lah tudah KS nguji. Aku tu ka bekunsi enggau bala pangan mega, enti kita bisi berasai enda nyamai tubuh tau di uji tempat tu, very condusive, manah tempat lalu ukai tempat ti di peda kitai sebelah berita TV endor orang ti enda berapa, ukai bakanya. Tukeynio ditu nya indu bansa China, tang pekerja ia ti ngurut nya ari Indonesia magang. Sida ditu mega bisi ngadu facial, nuchi mua enggau enti ka muai kedut-parut-parut semua ulih magang. Siap massage kitai tau terus facial, ia ti facial nya indu bansa China, very professional. Landik amat sida tu. Enda tentu mar bayar ditu, Indonesia body massage nya RM29.00 per hour. Facial nya RM35.00 per hour. Selamat nguji, Anang enda ...............

KumangSedinang@2010

Ha..h.a.h.a finally its' mind...........

Mom lama endar tua enda bejalai sebelah mall keno ka anak dara aku, tua slalu sama busy, saritu pree ko ia laban for the last 4 weeks ia endang nadai pree slalu bisi pengawa ba school. Bejalai kami duai, nama utai enda ulih semadi agung enda ngemendar. Bisi endar utai di bai pulai, nyau pengujong ulih ga utai ti di kedeka ati. It is self satisfaction, ukai setegal bisi $$$ tang laban pengerindu and sekali sekala ko orang have to pamper ourselves.

KumangSedinang@2010