Hari Pengada ke 82 - Puji Tuhan

Sebulan udah sakit, makin sari makin kering lalu makin gerai ba tubuh enggau semangat. Saritu Tuhan sekali agi meri besai terima kasih ke pemanah nuan dalam semua berkat ke udah di limpah nuan ngagai aku kelebih agi saritu nuan udah meri awak endor indai aku begulai enggau bala anak-uchu ti di kesayau ke ia.  Ia nyambut hari pengada ia ti ke 82 taun.  Penyayau pengerindu ia ke nuan Tuhan endang enda luntur, enda pudar, enda luya, ia sigi bepanggai ba nuan siko endor ia minta intu minta iring minta embing nuan. Puji ke nuan Tuhan Jesus Kristus ti udah ngemata ngintu ia maia ia sakit enggau maia ia gerai.  Sehari sebedau hari pengada ia, Rt.Rev. Father Alfred bisi datai ke rumah aku nyembiang ke ia lalu meri ia sacrement. Terima kasih sekali agi ngagai bala semua, ke penatai kitai, penemuai kita mai leka sampi leka sembiang lalu mai berkat ti ngasoh INDAI aku ulih ngering diri lalu gerai dalam semangat enggau tubuh ia.  Taja ia lemi tang ulih sampi bala kita ia tentu ulih pulai kering.  Terima kasih Tuhan.  Sampi tu di pinta aku dalam nama anak nuan Tuhan Jesus Kristus, Raja ti nyadi juruselamat kami. Amen

82nd Birthday Cake

The most busiest - youngest grand-daughter Clara prepare the cake

Thankyou Lord, wished for more birthdays in years to come

Family members

Prayer by one of her grandies...

The UCHU's

A day before the birthday-holy sacrement from Father Alfred Damu

Posted by KumangSedinang@2010