30 hari kitai udah ba taun 2010 nyau puas ga aku ngiga pekara ke deka ditulis aku ba blog sekali tu. Puas ke tegenung baka empelekung mabuk ambuh, ngetu baka puyu mabuh keruh dia bisi tekuing ga anak runding deka nulis senentang peragam ati aku senentang pekara ke deka disatupka kitai ba taun 2010 ti penuh enggau penguji.
Sepemanjai sejarah pengidup mensia dia kitai beratika kitai mensia enda ulih rari ari berumpak begigaka pengaya enggau kuasa. Pelaba aku kitai udah ninga tauka macha sereta sempat meda sekeda ari bala mensia sanggup beperang enggau pangan diri, disimpan ba rumah pasung tauka bebunuhka pangan diri ketegal reta tengkira dunya.
Sekeda ari sida tu sanggup ngena sereta besalahgunaka nama Petara ketegal pengingin diri empu ke kuasa politik. Mayuh raban minoriti elit mensia ba mayuh bengkah menua di dunya balat bendar bekuasa atas orang bukai sereta begumpulka reta dikena ngayaka diri empu. Sida tu sanggup merintah menua ngena chara nyeraraka mensia mayuh belalauka bansa tauka pengarap. Dalam proses tu ayan mih agenda ke dipelalaika iya nya jarak kaul entara orang kaya enggau miskin majak jauh ninggalka pangan diri.
Diatu kitai udah masuk lumur 10 sepengudah ke ngelebus lumur 90. Lantang mih asai ati laban kitai ulih idup dalam timpuh sepuluh taun ke udah. Taja pia penusah enggau penanggul tetap diteresaka kitai dalam kitai neruska pengidup kitai di dunya tu. Lebuh ke betatika utai ke udah nyadi pelaba aku nadai salah alai aku nguji melabaka utai ti deka nyadi dalam taun 2010 tu ila. Dalam nguna nama Petara, aku dibaptisa kenaka 26/12/1965. Tak besai aku ninga ajar Papa aku menya besembiang ngena nama Allah Taala Ti Pemadu Bekuasa............... Nah katika kitai tak dirara orang ti bekuasa ngena nama ia tu deh? Tu meh randau kenang orang ke diatu. Whatever it is, we give thanks to The Almighty God for all his blessing.

Give thanks with a grateful heart,Give thanks to the Holy One,Give thanks because He's givenJesus Christ His Son.And now let the weak say "I am strong."Let the poor say "I am rich."Because of what the Lord has done for usGive thanks.