Aku enggau anak-anak bisi ngetu ba bazaar taun baru China ba China street Miri sebedau gawai sida tu tadi. Bemacham-macham utai di jual sida lalu gaya sida decorate jalai nya enggau api bekelap-kelip mirah manah amat di peda. Rindu amat meda pasar maia ke tu, penuh orang enda ngira bansa. Sepiak jalai bala kaban kitai bansa Melayu bejual lalu sepiak bala kaban China kitai ti empu gawai bejual ke bemacham utai di empa. Asap utai di pandok betemu di puput ribut taja enda begulai tempat endor betunu.
No comments:
Post a Comment