Nah.....enda berasai sebulan nandan di langit setaun nampun di bukit, nyau ka abis bulan 2 tu nyau ka manggai ngagai bulan 3. Jampat meh jam belalu, laban pengawa ti maioh genap hari tak enda chukup asai jam tang pengerindu ngerja pengawa baik di opis enggau di rumah lalu pengerindu begulai enggau bala pangan nya endang baka selama. Asai ti lelak udah di opis tang datai di rumah nyau rindu ga ati laban ngintu pendiau pengidup diri empu. Taja kitai maioh kerja bukai tang anang enda ingat ke kangau pengawa ti patut di kerja kitai kena nyembah ngemesai ka Tuhan. KS, ujong minggu tu tadi bisi baum gerempung indai-indai ba Parish Hall. Maioh amat utai di pejurai ka, enda aku nulis ditu semua. Sekeda ari utai ti di pejurai ke kami nya baka aum besai gerempung indu di Kuching ila ba bulan 8, trip ngagai Limbang enggau mega reachout program ngagai rumah panjai ba bulan 3 ila. Aum bala kami tu lama endar alah aum bala kabinet menteri, kami berengkah jam 2 tengah hari abis nyau 4.30 lemai lalu enda sah enti nadai ngirup sama lepas baum, nya meh kena bala kami ngerapat ke agi kaul bala indai-indai indu gerija. Sekeda gambar bisi di engkah aku ditu kena merindang bala indai-indai, bala pangan ti bisi nemuai ngagai ruai KS.
 |
| ChairLady meri penerang macha utai ti udah di pejurai ke ba meeting ti udah lalu |
 |
| Seketeri tu enda tau di tanya enti maia nulis bakatu laban enggai ke salah ambi utai ti di sebut Chairlady |
 |
| Bala member tu mereti magang nadai bebunyi ninga ka jako penerang |
 |
| Bala sida tu bisi endor duduk semak mija pun enggai meh laban rindu agi ba belakang |
Posted by KumangSedinang@2010
Apu...ulih peda uban seketeri MWF nyak...hehehe. Tanda2 nda lama gik niki pangkat nyadi inek.
ReplyDelete