Seminggu tu aku endang berasai sinu ati, laban kesatu kami baru pulai ari menua, agi homesick ngingat ka bala ti tinggal din. Kedua mai ti sinu agi ati nya, anak bujang aku saritu bejalai ngiga pemandai ngagai peringkat ke tinggi agi ninggal ke aku sementara aja. Amat meh enda jaoh tang laban ti enda kala beserara enggau ia nya meh mai ati ti sinu endar. Tang aku pagi tadi sigi enggai ngelaboh ke ai mata di depan ia leboh ia ti mupuk but deep in my heart, ati aku sigi nyabak. Tang laban ia mindah ngiga pemandai kena ngidup ke diri dudi hari ila nya meh berasai temegah ga ati laban ia ti ke udah ia endang slalu mujur dalam pelajar ia. Tu meh janji aku enggau ia leboh ia masuk Form 1 suba, enti nuan udah Form 5 baru nuan tau beserara skula enggau aku. Ia bulih asrama penuh ba Kolej Tun Dato Hj Bujang Miri maia nya. Terima kasih Tuhan ke pemberi nuan selama tu kelebih agi pemberi nuan ba pengerai, pelajar enggau pengelandik ti di beri Tuhan ngagai ia. Aku besampi ngagai Tuhan minta ia ngibun nerekun anak bujang aku tu baka ke udah sepemanjai umur ia. Minta Tuhan selalu ngembing ia dalam semua pengawa enggau pelajar ia awaka ia mujur sampai ke universiti lalu bulih utai nitih ke peneka Tuhan.
KS and son
Dad and son
KS dearest
majak meh bala anak ninggal kitai ke apai-indai. mula-mula sigi beraie amat di tinggal ke sida..udah nya..bisi pama agi.
ReplyDeletenya meh...sinu amat aku meda bilik ia and musical instruments ia ti tinggal nadai orang bemain.
ReplyDeleteKS munyi ko randau kami duai wai Lily, ti bekenang ke anak, anak majak besai, kitai apai indai majak sunyi... 3 4 iko anak maia agik mit berasai maioh, udah sida besai, nyau puang ga kitai, aruh org ka beranak 7 8 iko! Ukai enda sinu, sediss meh di tinggal ke anak, enggai cakap!
ReplyDeleteUnggal KS, baka nya meh orang ke tuai ditinggalka kitai mindah - ngiga pemandai, tauka ngiga pengawa (pengidup). Kami duai melaki bini bisi 5 iku 'sedadu'. Diatu 2 iku ke tuai nya udah beruang-bilik ke diri empu. Tinggal 3 ke agi besekula enggau kami duai. Nyau kurang ragak rumah, laban sida tiga nya ukai nembiak ke ragak. Ke didinga besehari-sehari semina TV enggau radio ke kalau-kalau. Aku beserara enggau anak aku ke tuai suba berat amat asai ati - enda pechaya ke iya enggau bini iya ulih diau ngatika diri, kenu ku asai. Tang diatu, kur semengat, nemu ga 'sida bediri atas kaki' diri empu.
ReplyDeleteApoo!! RJ, enda aku nemu nuan udah bisi menantu. Kati uchu udah bisi ga nuan?? Aku tak baru berengkah skula jaoh...nya meh mai pama asai ati laban ia ba Kuching diau enggau inik-akik ia dia kediatu sekumbang ti ngambi A level. Dah nya ila...bedau temu dini endor, depends very much enggau result ia.
ReplyDelete