Eric Duncan & Grace Chan wedding 26/12/2009

Eric is son of Duncan Earl Charlie wed Grace Chan of his long-time lover both from Miri. Penatai Eric tu bakatu: Aki ia ti benama Charlie Emban ari Saratok lalu inik ia niang Annie Bernard ari Stambak Ulu, Betong.

The newly wed couple Mr & Mrs Eric Duncan Nicely decorated sport car - self driven by Eric
Family members of the groom

Bridesmaid & Flower girls

Mr. Chan giveaway the bride

Yam-seng to Eric & Grace.

Pouring of Wine by Eric & Grace

The bridgegroom parent Mr & Mrs. Duncan Earl Charlie

Christmas Fruits Cake

Hari Krismas Taun 2009 tu udah lalu. Kami menyanak endang baka selama genap taun sigi nganti Hari ti pemadu manah tu enggau pengabis ati. Ngena berkat ti udah di beri Tuhan sepamanjai taun, kami bisi nyendia ke penatai anak ia Tuhan Jesus ti ada ka Maria Dara Tuchi ngena pemisi ti ulih begaga ka kuih lalu bebeli ke present keh bala anak-anak. Lalu ujong taun keh bakatu endor kami menyanak begempuru betulong nuchi rumah. Taun 2009 endang maioh endar penguji ba kami sebilik. Taja pia, endang besampi awaka penguji nya ngasoh kitai kering dalam pengarap enggau pengidup tiap ari.

Taun tu aku bisi ngaga 18belas igi kek buah kismis. Bisi sekeda nya di gaga keh bala pangan ti semak enggau bala kaban ti ngasoh aku, lalu sekeda diberi aku keh orang tuai keh buah jari leboh ti ngabas sida maia Hari Krismas. Puji Tuhan, enggau pengelandik ti bisi mimit aku ulih bekunsi enggau bala pangan & kaban mimit-mimit awaka sama-sama ngasai ke kek gaga aku.

Ngagai bala pangan ti bisi ensepi kek aku tu, kita tau meri komen ngagai aku awaka kena aku ngemanah ke kek tu lebih agi leboh aku ngaga baru.
Kek udah di bungkus


Perengka kena ngaga

Welcome 2010...wishing for good health, prosperity, wellness in health both physical & spiritual life....uh...ha!!

Selamat nyambut taun baru 2010. Lama udah aku ka update blog aku tu lalu nadai ari laban aku ti kemisi lalu semua pengawa IT & cyber pun kemisi. Di rumah aku sigi enggai megai komputer laban udah lelak ba opis "KENU", tang maioh ka tegal agi nya aku nadai ari. Selamat Taun baru ngagai semua ti bisi mansa blog aku tu. Arap taun ti baru tu tau mai selamat ke kitai semua, berkat ari Tuhan Allah Taala ti bekuasa mengkang enggau kitai. Selamat grai nyamai, gayu-guru, betuah-belimpah, anak ti skula asoh pandai, sida ti bekerja asoh landik ambika niki pangkat. Sida ti sakit asoh grai awaka kitai ulih begulai belama.

Aram kitai sama ngenang enda lama ngingat ke utai ti udah nyadi dalam pengidup kitai sebilik. Ba kami sebilik taun 2009 tu taun bisi ga mai penusah laban lenyau orang ti di kasayau ke kami ianya Papa aku. Tang aku sigi nemu, ia sigi ngemata ka bala anak-uchu ia selalu. Taja ia nadai di peda, dalam sampi ia semak berari. Dalam kami ti tusah di tinggal ke ia, laban Tuhan sigi manah, ia meri kami pengelantang ngagai kami menyanak enggau kami sebilik. Kabuah pia indai aku gerai ari penyakit ia, anak mujur ba UPRS & PMR, seduai ia bulih straight A's. Ngarap ti bedau keluar nya pun mujur.

Taun 2010, aku besampi awaka berkat Tuhan sigi enggau kitai berari kelebih agi ba pengerai kitai besari-sari. Awaka ia ngemujur ke semua pengawa kitai. Ba kitai ti senang, kitai anang enda ingat ke sida ti nadai agi begulai enggau kitai, lalu mega kitai anang enda ingat ke orang ti tusah, ti patu-balu, ti singkong-belong, enti bisi utai lebih anang enda ingat ke sida ti nguna lebih ari kitai....so don't forget ...CHARITY...sedekah lalu kena kitai beterima ngagai ia ti bekuasa Tuhan Jesus. AMEN!

In memory of Ruth Ramai Abang

In memory of Ruth Ramai Abang (1983 - 2009)

Butter Churn

Peda kita rega butter tu di beli aku dua minggu lalu rega ia RM11.40. Kemari aku bisi ngagai GK baru meli sama bansa laban aku ti ka ngaga fruits cake rega ia RM14.40. Balat amat niki rega, tak seneka bala sida Chi niki ke rega barang, tak padah ka ngagai sida YB ti bekuasa...ha.h.a

Christmas Carolling ngagai Rumah Panjai Liam 11/12/2009

Pejalai kami sebuat mai berita manah ngerembai ke eklisia lalu mega mai bala anembiak belagu carols ngagai bala menyadi kitai di rumah panjai. Bisi 6o iko bala kami ngagai rumah panjai di Liam enggau bala Paderi. Kami pulai kira jam 11 malam ari Liam.

SIDS & DAM charity dinner 4th Dec 2009

Margaret Anin & Mary Bajang - DJ WaiFM-Miri
Margaret Bennett, Cecelia, KS, Putih, Remie Kanang

Poco-Poco led by SIDS Chairlady-Puan Jenny Jeli

Mija bala SIDS

Malam begulai sejalai enggau bala kaban-kaban enggau pangan. Begempuru makai malam kena ngiga belanja kena ngadu ke pendam Iban baru ba Lambir off Sungai Rait.

Malam begempuru tu mega kena bala betemu lalu sama-sama berami Hari Krismas. Maioh bala penyanyi Iban bisi nya ti rekoding artis lalu mega bisi bala ti endang nemu belagu bela mantai ke pengelandik diri belagu laban sida tu mega di sponsor bala kaban ti bukai kena muka nyawa sida tu. Malam tu mega YB Andy Chia, YB Peter Howell, YB Aidan Wing bela bisi belagu.

Bala raban SIDS mantai ke pengelandik sida poco-poco kena ngerami malam.