Pengerami, Pengerindu, Penusah (3P's in June)

Saritu ari ti penudi ba bulan 6. Bisi sebulan aku nadai update blog aku tu setegal ti kemisi Gawai lalu maioh utai ti nyadi dalam bulan tu dalam pengidup aku. Pengerami maia Gawai ti lama enda di asai ba kami menyadi laban 4 taun ke udah lalu kami endang enda enggau rumah panjai ngintu Gawai setegal maioh penanggol. Pengerindu besulu maia Gawai begulai enggau bala menyadi, bala kaban, bala anak enggau bala pangan ti bisi betemu endang agi di kenang sampai ke diatu. Penusah ti enda di sangka nyadi mega bisi nuntong kami sebilik-menyadi. Penusah ti pemadu besai nya di tinggal ke menyadi tuai kami pulai ngagai menua asal ia begulai enggau Tuhan Jesus Kristus. Peda sekeda ari sebana ati enggau sekeda gambar ti bisi di ulih di post aku ditu. Tang gambar ti ngintu pemati menyadi kami bedau ulih di post aku, nganti nganti dulu.

PENGERAMI

Ba 31/5/2010, kami sebilik nyambut Gawai enggau chukup pengaga laban kami menyadi enggau bala bini-laki sida ia enggau anak semua bela pulai ke rumah kami di Gensurai begulai nyambut Gawai enggau indai aku. Rami amat pengawa rumah panjai, bemacham-macham program bisi di atur baka pekit Kumang Gawai 2010 ke bala anembiak. Malam nya bisi 15 iko indu dara ari umur 10-15 bisi enggau pekit Kumang. Anak aku Clara Edah bulih lumor 1 malam nya. Pekit ngaga ketupat, pekit nusuk marik enggau maioh macham main bukai. Kami sebilik tak bela bisi utai ulih enda lebu enggau bepekit. KS bulih lumor 1 ngaga ketupat.

kasih CHICKY tu nganti diri di sembelih kena ngintu Gawai Indai DJ Peter John - DJ popular Cats FM dulu menya enggau menantu ia

Indai Gal and Alais

Nganti Ai Pengayu ba ruai kamiKumang Gawai Gensurai 2010

PENGERINDU

1/6/2010, endang ka baka Gawai pun nyadi, kami pun endang baka salama ngintu lalu ba tengah hari nya kami semenyadi bisi nemuai ke Stambak Ulu ari bai menyadi aku ti tuai. Penatai kami di sambut bala kaban enggau chukup pemanah.Bala anak-anak visit to Stambak Ulu longhouse, rumah penatai indai aku.

KS and nephew Vernon Kedit former Mr.Manager -manager pelakon terkenal Erra Fazira and Ning Baizura

Bilik No.4 - Mama Tuai-Sendi Master Weaver

Duduk tegak enggau senyum ari sida tu sepetunggal

Vernon with his father Albert Kedit and his uncle Dr.Peter Kedit

Ba 2/6/2010, endang nitih ke tesau aku ti dulu, kami menyadi enggau indai aku lalu mega kaban belayan maioh datai ari Kuching, enggau menua ti bukai bela bisi datai ngulu pengawa kami ti ngintu merekat kubur niang Papa kami. Rindu meda bala semua bisi datai sambil betemu ngabang maia Gawai.

Mag, my mom and uchu ia Chris

Kajen-Endat and and her hubby and her son Boy

Shirley (from Bintulu) Fidelia and Aunty Florence (from Miri) and mom-in-law

Communion Service by Rev.Father Alex Gundi

TUAI enggau bala anembiak Gensurai

NEMUAI

Ba 3/6/2010, kami menyadi mega bisi nemuai ngagai menyadi Indai aku di Kerangan Pinggai, Paku, bakanya mega kami di sambut enggau chukup pengaga ati. Aku semak 10 taun nadai nemuai ngagai sida, tang tu ketegal ari bai bala menyadi ti tuai, nya-alai kami pun datai nemuai ngagai sida.

sida mipar and nephew
Sida sekazen

Ba Kerangan Pinggai - KS, Aunty Indai Mengan, Umang, Jac, Indai Gal and Indai Bunyau

Ba 4/6/2010, dia kami menyadi sekali agi begulai baru laban bisi aum diri sebilik (Family meeting), don't have to eloborate here. Rindu amat kami begulai lalu semua pengawa kami sarinya mujur amat di kerja. Udah pulai ari opis perintah kami begiga ke kedai di pasar Betong ti bisi air-con endor makai tengah hari di bai TUAI.

Ba 5/6/2010, sarinya kami begulai ngerja pengawa lalu bebela tengah hari sama-sama. Rindu amat begulai tang enda mukai-mukai ba lemai arinya kira jam 5.30 lemai, menyadi aku ti tuai tak baka ke di tebang, nadai ribut nadai ujan nitih ke jako orang diatu, ia tak kena sakit, luput benong berandau enggau menyadi aku ti siko agi. Ia di taban ke kami ngagai sepital Saratok, udah nya lutor ti ngubat ia madah ke ia ka di anjong ke Sibu setegal enda chukup perengka kena ngubat ia. Ia pun lalu di bai ke Sibu ngena ambulance, pejalai ke Sibu kin bisi 2 jam ari Saratok. Datai di sepital Sibu, ia pun lalu di ubat chara CT-scan, dia lutor madah ke ia mesti di ubat kandang 24hrs. Nya-alai ia pun di anjong berubat ngagai sepital besai Kuching ngena bilun buah engkabang - helicopter. Penatai di Kuching kena 6/6/2010 jam 11:30pagi ia di sambut lalu endang lalu di ubat. Tengah hari nya kira jam 2.00 ngalih hari ia di padah ke lutor mesti ka operations ba pala, ia empu setuju lalu sain kediri. Jam 2.30 petang, dia ia di asur ngena katil masuk bilik operations lalu abis operations pagi siti 7/6/2010 jam 5 pagi. 14hrs operations.......my God. Ia sakit di ibun kami bisi 11 hari, ia nadai kena ka 17/6/2010 @ 11:35 pagi ninggal ke kami menyadi ti agi belala enggau ia. Lord, if I had known, you want to take away him from us, I will not let you to have him now, its too soon for him to leave us. But Lord, you have every plan for every human being, even every pieces of hair on our head you are able to count. Nuan meh ti endor kami bepanggai nyadi dinding kami ti ngasoh kami teguh kelebih agi diatu lebuh semangat kami ti lembut enda bemaya setegal ti tusah laban di tinggal ke menyadi kami tu. Arap nuan selalu ngembing ngiring kami baka ka udah lalu mai menyadi kami ngagai tempat ti udah di taga ka nuan keh ia begulai enggau orang ti tuchi.

Tu meh gambar menyadi TUAI kami ti penudi ia makai tengah hari enggau bala-bala anak ba mija dapur sebedau ia ti kena sakit.

Sinu meh ngenang penusah ti ninggang kami menyadi, tang Tuhan lebih agi ka nguna ia, nya alai ia di bai ia dulu. Tudah menyadi aku bedau nyepi penyamai enggau anak ia ti ka siko aja ti benong belajar diatu final year Diploma in Mechanical Engineering. Ditu aku enda ngelekat keh gambar maia ngintu ia laban bedau besedia.

Surat Tesau 2/6/2010 maia Gawai

Enda aku busong ngelangkah gunong enda ku tuyu bejako ke diri, aku tu ngangau nesau bala kaban ti bisi mansa blog aku tu, nyangka kitai enda ulih betemu mua besemuka sebedau Gawai. Enti bisi pulai ke menua anang enda ngetu ba menua kami di Gensurai, Penjurai Rumah Ringkai kedua bali nama Rumah Niang Apai Manggi. Kami ukai ngangau ngapa, ngangau enggau basa ti besai, enggau gaga ati ngemai kita sama datai sembiang merekat kubur Niang Papa kami PE Wringkye anak Bunyau. Sepemulai ari kubur, kita di pinta lalu ngagai rumah panjai kami di Gensurai, sembiang mass di ketuai ke Father Alex ari gerija St.Augustine Betong, dah nya makai tengah hari.. Selamat kitai betemu ba pengawa kami menyadi tu. Sekali agi Selamat Gawai, Gayu Guru Gerai nyamai nguan menua, anembiak lantang kitai mansang, anang alah laban bansa bukai ti udah mansang. Hu....ha.h.a.... Gayu ko Guru, Gerai ko Sempadai, nadai apa nadai nama. Betuah belimpah ari taun ke udah. Nya...ia...kitai !!!

KumangSedinang@2010

MWF annual dinner cum Mother's day celebrations

Malam hari 6 ti udah lalu 15/5/2010 gerempung indu gereja St.Columba's (Miri Women Fellowship) bisi ngatur gemperu makai malam ka bala members ba Meranti Hall, Eastwood Valley Golf and Country Club. Bisi 110 iko members & some non-members datai, sida tu ukai semina ari indu gereja St. Columba's tang enggau pampang ari Taman Tunku enggau Lambir Holi Trinity. Maioh macham program bisi di ator bala komittee, bisi nya belagu, bemain enggau Blessed draw (lucky draw), nguji ke pengelandik bala indai ngadu crosswords puzzle or jako melintang pukang enggau sharing the words of God from Sis Linda J. Fun fill nights with various events being organise such as complete the puzzles to test the minds of the Indai, Group Pala Ikan mija Sis Itie Paul bulih amat prize, nyau ka di gumpul sida magang. Malam nya mega Sister Linda Julak enggau ex MWF Chairlady bisi nerima pemberi ari MWF Miri laban seduai tu lama endar megai pengawa ba gerempung tu. Ex-Chairlady kami tu serving as MWF Chairlady for 6 consecutive years, nadai udah orang megai pengawa ngelama ia tu. Lalu diatu ia DWF-Diocesan Women Fellowship Zone 3 Chairlady. Sister Linda megai pengawa nyadi Secretary MWF for 8 consecutive years lalu diatu ia megai pengawa DWF-Diocesan Women Fellowship Zone 3 Secretary.
Words of God shared by Sister Linda taken from Psalm 23 encouraged on womens to work together, kadang kitai nya asai ti enda ulih and want to give up, but God is always there to help you. He will lift you up and enda ngeleka ke kitai, penemu pengelandik pemandai enggau pemisi endang enda sebaka tang ba mata Tuhan kitai tu endang sebaka.
Highlights of the night for bala members malam nya, milih members ti active taking parts ba main ti bisi di atur ba malam nya. Kami milih Best Sporting Ladies of The Night, bisi 10 iko contestants ti di pilih, sida tu bisi nyaut tanya lalai enggau catwalk. Pemenang malam nya 1st sida ari Lambir Holi Trinity WF, 2nd ari Taman Tunku WF lalu 3rd non-MWF member.
Bala komittee pengatur meri besai terima kasih ngagai sukong bala members ti datai, arap ke kitai begempung baka taun ke udah nunda ke tema malam nya BEGEMPUNG AMAT-AMAT AWAKA SA'ATI ENGGAU SEPENEMU 1Corinthian 1:10b. Pictures taken during the events as shown below:

Komitie Pengatur Pengawa
Best Sporting Ladies of The night proudly shows their prizes

Mothers Day game-bottle feeding

Performance from Lambir Holy Trinity Womens Fellowship

Siko ari MWF members - Rose Ruin birthday ngam sarinya
Mothers Day cake sponsored by Eastwood GCC

Mothers Day Cake cutting - KS nyadi photographer nya nadai ba gambar

KS enggau Flora Achil-pangan lama

Performance from Taman Tunku Extension Centre WF led by Sis Matherine

Performance ari St.Columba's MWF led by Sis Rose Peter

Long Service Award Sister Linda Julak & Ex-Chairlady Mdm Evelyn Storie

Speech by MWF Chairlady-Sis Shirley Gren

Opening Prayer by Sis Anita Beti from Lambir Holy Trinity WF

Bala indai-indai ti bisi datai malam nya, mija tu mija sida Group Pala Ikan

Speech from Sis Yean Jambai - Organising Chairlady

KS enggau bala usher ti gap-gap nganti penatai bala memberGap gamal Treasurer MWF tu, enda kala meda ia be-make up

Bala ari Lambir WF

Terima kasih ke penatai bala members, enti bisi kurang ba atur kami, kami minta ampun ari kaki sampai ke punjong pala, penatai bala kita endang meransang kami gawa bebendar agi ngerja pengawa ke gereja enggau muji Tuhan kitai Jesus Christ. Terima kasih sekali agi. Nya aja ari aku KS. Thankyou Lord for the successful and fun night that we had. Thankyou for everything and the blessing on each and everyone of us. Amen